కేరళం లో మెజార్టీ సర్వేలు చెబుతున్నట్టుగా యూడీఎఫ్ (UDF) అధికారంలోకి వచ్చి, ఎల్డీఎఫ్ (LDF) పరాజయం పాలైతే… భారత రాజకీయ యవనికపై కమ్యూనిస్టుల ఉనికి ఏంటి? వారి తదుపరి అడుగులు ఎలా ఉండబోతున్నాయి?
అన్నదే ఇప్పుడు దేశ రాజకీయాల్లో ప్రస్తుతం వినిపిస్తున్న అతిపెద్ద చర్చ కేరళం లో అధికార మార్పిడి గనుక జరిగితే కమ్యూనిస్టులకు చారిత్రక సంక్షోభం ఏర్పడటం ఖాయం అని రాజకీయ విశ్లేషకుల ఉవాచ భారతదేశంలో కమ్యూనిస్ట్ పార్టీలకు ముఖ్యంగా CPIM కేరళ కేవలం ఒక రాష్ట్రం మాత్రమే కాదు, అది వారి ఆధీనంలో ఉన్న చిట్ట చివరి కోట పశ్చిమ బెంగాల్, త్రిపురలలో అధికారం కోల్పోయి, అక్కడ దాదాపు ఉనికి కోసం పోరాడుతున్న తరుణంలో కేరళలో అధికారం కోల్పోవడం అనేది వారి ఉనికికే సవాలుగా మారుతుంది. ఇప్పటికే పూర్తిగా జాతీయ రాజకీయాల్లో ప్రాధాన్యత కోల్పోవడం,
కేరళలో అధికారం కూడా కోల్పోతే రాజ్యసభలో కమ్యూనిస్టుల ప్రాతినిధ్యం గణనీయంగా తగ్గుతుంది. జాతీయ స్థాయిలో “ఇండియా” (I.N.D.I.A) కూటమి వంటి వేదికలపై నిర్ణయాలు తీసుకునే శక్తిని వారు కోల్పోతారు. కేవలం తమిళనాడు వంటి రాష్ట్రాల్లో ఇతర పార్టీల దయాదాక్షిణ్యాలపై (సీట్ల సర్దుబాటు) ఆధారపడాల్సిన పరిస్థితి ఏర్పడుతుంది. ఇక
ఏ రాజకీయ పార్టీకైనా అధికారం లేకపోతే క్యాడర్ను నడపడం కష్టం. కేరళ కమ్యూనిస్ట్ పార్టీకి అత్యంత వ్యవస్థీకృతమైన నిర్మాణం ఉంది. అధికారం లో లేకపోతే పార్టీ యంత్రాంగాన్ని, అనుబంధ సంస్థలను ఆర్థికంగా బలోపేతం చేయడం ఒక పెద్ద సవాలుగా మారుతుంది. బెంగాల్లో అనుసరించిన పారిశ్రామిక విధానాలు కేరళలో ‘పినరయి విజయన్’ శైలి పాలనపై పార్టీ లోపలే విమర్శలు మొదలయ్యే అవకాశం ఉంది. “ప్రజలకు మనం ఎందుకు దూరం అయ్యాం?” అనే అంశంపై కమ్యూనిస్టులు లోతైన విచారణ (Introspection) చేయాల్సి ఉంటుంది. పాత తరం నాయకుల కంటే, కొత్త తరం యువతను (జెన్-జడ్) ఆకర్షించేలా సోషల్ మీడియా మరియు ఆధునిక రాజకీయ వ్యూహాలను నూరుశాతం అవలంబించాల్సి ఉంటుంది. కావచ్చు. బెంగాల్ తరహాలో పూర్తిగా కనుమరుగయ్యె అవకాశం లేనప్పటికీ
ఒక శక్తివంతమైన ప్రతిపక్షంగా కేరళలో ఉంటూ, మళ్లీ ఐదేళ్ల తర్వాత పుంజుకోవడానికి ప్రయత్నించడం వారి ప్రాథమిక వ్యూహం అవుతుంది. ఆ ఉనికి కోసం కమ్యూనిస్టులు మళ్లీ పోరాటాలు రచించాల్సి ఉంటుంది. అయితే, చరిత్రను చూస్తే కమ్యూనిస్టులు ఎప్పుడూ పోరాటాల ద్వారానే పుట్టుకొచ్చారు. ఈసారి ఓటమి ఎదురైతే… అది కేవలం ఒక రాష్ట్రం కోల్పోవడం వరకు మాత్రమే పరిమితం కాదు, భారత రాజకీయ చిత్రపటంలో ‘ఎరుపు రంగు’ వెలిసిపోవడానికి అది సంకేతం అవుతుంది.