విష్ణు మంచు ప్రతిష్టాత్మకంగా నిర్మిస్తున్న తన బ్డ్రీమ్ ప్రాజెక్ట్‌ ‘కన్నప్ప’ నుంచి మోస్ట్ అవెయిటెడ్ అప్డేట్ వచ్చింది. జూన్ 14న టీజర్ రాబోతోందని మేకర్లు ప్రకటించారు. ఈ మేరకు కథానాయకుడు , నిర్మాణభాగస్వామి, మంచు విష్ణు ఎక్స్ వేదికగా వదిలిన పోస్టర్ ఇంట్రెస్ట్ క్రియేట్ చేస్తోంది. గుర్రం మీద విష్ణు కూర్చున్న తీరు, చుట్టూ కనిపిస్తున్న అటవీ ప్రాంతాన్ని చూస్తుంటే సిల్వర్ స్క్రీన్‌పై ఒక అద్భుతంఆవిష్కరింప బోతున్నారన్న విషయం స్పష్టం గా అర్ధమవుతుంది. కన్నప్ప టీజర్‌ను కేన్స్ ఫెస్టివల్‌లో ప్రదర్శించిన సంగతి తెలిసిందే. ది వరల్డ్ ఆఫ్ కన్నప్పను చూసి కేన్స్‌కు వచ్చిన అతిరథమహారథులు ప్రశంసలు పొందిన ఈ టీజర్ ఇక ఇండియన్ ఆడియెన్స్ చూసే టైం వచ్చింది. షూటింగ్ దాదాపుగా పూర్తి చేసుకున్న ఈ చిత్రంలో బాలీవుడ్ స్టార్ అక్షయ్ కుమార్, ప్రభాస్, మోహన్ లాల్, శరత్ కుమార్, మోహన్ బాబు, బ్రహ్మానందం, కాజల్ అగర్వాల్ తదితరులు నటిస్తున్నారు.అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ లు సంయుక్తంగా మోహన్ బాబు నిర్మాత గా ఈ చిత్రాన్ని భారీ బడ్జెట్‌తో నిర్మిస్తున్నారు. ఈ చిత్రానికి ముఖేష్ కుమార్ సింగ్ దర్శకత్వం వహిస్తున్నారు. తెలుగు చిత్ర పర్యవేక్షణ బాధ్యతలు జీ నాగేశ్వర రెడ్డి నిర్వహిస్తున్నారు. ఇప్పటికే రిలీజ్ చేసిన కన్నప్ప ఫస్ట్ లుక్ పోస్టర్ తో ఆడియెన్స్‌లో మంచి హైప్ క్రియేట్ అయింది. ఈ విజువల్ వండర్ కోసం దేశవిదేశాల నుంచి ఆడియెన్స్ ఎదురుచూస్తున్నారు. త్వరలోనే ఈ చిత్రం ప్రేక్షకుల ముందుకు రాబోతోంది
