మతతత్వ పార్టీలతో కలవొద్దన్న కాంగ్రెస్
ఉభయ కమ్యూనిస్ట్లు, ఇతర పార్టీలు మద్దతు ప్రకటించడంతో టీవీకే ప్రభుత్వ ఏర్పాటుకు మార్గం సుగమమైంది..! మ్యాజిక్ ఫిగర్ తో నూట పద్దెనిమిది మంది సభ్యుల సంతకాలతో కూడిన లేఖలను అందించడం తో గవర్నర్ ప్రమాణ స్వీకారానికి అనుమతి ఇవ్వడం తో టీవీకే వర్గాల్లో సంబరాలు అంబరాన్ని తాకాయి. గవర్నర్ ను కలిసి సిపిఐ, సిపిఎం, విసికే ఐ యూ ఎమ్మెల్ కాంగ్రెస్ పార్టీలు ఇచ్చిన మద్దతు లేఖలు చూపించి తనకు ప్రభుత్వం ఏర్పాటు చేసేందుకు అవకాశం ఇవ్వాలని కోరడం తో విజయ్ పార్టీకి లైన్ క్లియర్ అయింది.
అయితే విజయ్ పార్టీకి బయటినుండి బేషరతుగా మద్దతు ఇవ్వనున్నట్లు ఉభయ కమ్యూనిస్టులు తాము ప్రభుత్వంలో చేరడం లేదని స్పష్టత ని ఇచ్చాయి. అంత వరకు బాగానే వుంది. అదే అప్డేట్ లో తాము డీఎంకే తో కలిసి ప్రజా సమస్యలపై పోరాటాలు కొనసాగిస్తామని సిపిఎం నేతలు చెప్పడం తో అధికార, ప్రతిపక్ష పార్టీలతో కమ్యూనిష్టులు చెట్టాపట్టాలేసుకుని తిరగనున్నారు. బీజేపీ ఎత్తుగడలను అడ్డుకోవడమే ధ్యేయంగా టీవీకే కు తాము మద్దతు ఇస్తున్నట్లు కమ్యూనిస్టు నేతలు స్పష్టం చేశారు. కేరళం లో అధికారం కోల్పోయిన కమ్యూనిస్టులు ఇప్పుడు తమిళనాడు అధికారం లో భాగం కాకుండా బయట నుంచి మద్దతు ఇస్తున్నట్లు ప్రకటించడం అందరిని ఆశ్చర్య పరిచింది. ఇదిలా ఉంటే అందరి కన్నా ముందుగా డీఎంకే తో తెగతెంపులు చేసుకొని టీవీకే కు మద్దతు ప్రకటించిన కాంగ్రెసు పార్టీ మతతత్వ పార్టీలతో కలవకూడదని షరతు విధించింది
టార్గెట్ తిరుచ్చి
ఒక మంత్రి పదవితో పాటు విజయ్ రాజీనామా చేయబోయే తిరుచ్చి ఈస్ట్ అసెంబ్లీ స్థానాన్ని తమకు కేటాయించాలని విసికే పార్టీ డిమాండ్ చేయడం ఇప్పుడు రాజకీయ వర్గాల్లో తీవ్ర చర్చ కు దారితీస్తోంది. ఈ సీటు ను విజయ్ వదులుకున్నా దానిని నటి, విజయ్ సహచరి త్రిషా కృష్ణన్ కు కేటాయిస్తారన్న ప్రచారం మొదటి నుంచి జరుగుతుంది. మంత్రిపదవి ఇచ్చి తాను వదులుకోనున్న తిరుచ్చి ఈస్ట్ స్థానంలో పోటీ చేయించి ఎమ్మెల్యేగా చేయాలని భావించిన విజయ్ ఇపుడు రెండు సీట్లు ఉన్న విసికే పార్టీ డిమాండ్ కు తలవూపాల్సిన పరిస్థితి వచ్చింది. తిరుచ్చి స్థానం నుండి పోటీచేయాలని ఆ పార్టీ అధినేత తిరుమావళవన్ భావించడం తో ఇపుడు త్రిష రాజకీయ భవిష్యత్తు పై నీలినీడలు కమ్ముకున్నాయి. అయితే త్రిష మంత్రి అయ్యే అవకాశాలను మాత్రం తోసిపుచ్చలేమని రాజకీయ నిపుణులు చెపుతున్నారు. మంత్రి గా ప్రమాణ స్వీకారం చేసి తరువాత శాసనసభ కు ఎన్నికయ్యే అవకాశాలు ఉన్నాయని అంటున్నారు.