పుష్ప 1కు సీక్వెల్ గా రెండు సంవత్సరాల తర్వాత రాబోతున్న పుష్ప 2 ట్రైలర్ బీహార్ రాజధాని పాట్నాలో విడుదల చేశారు. దేశంలోనే అతిపెద్ద సినిమా గా గుర్తింపు పొందున పుష్ప 2 ట్రైలర్ లాంచ్ కూడా అదేవిధంగా దేశంలో అతిపెద్ద ఈవెంట్ గా నిర్వహించారు.గతంలో ఎప్పుడు లేనివిధంగా సుమారు మూడు లక్షల మందికి పైగా ఓ ట్రైలర్ లాంచ్ ఈవెంట్ జరగడం ఎంతో ఆశ్చర్యాన్ని కలిగించింది. ఇది పాట్నా చరిత్రలో ఎన్నడు జరగని పెద్ద ఈవెంట్ గా కొత్త రికార్డు సృష్టించింది. ఈ కార్యక్రమంకు ముఖ్య అతిథిగా బీహార్ డిప్యూటీ సీఎం విజయ్ సేన సాహెబ్ హాజరయ్యారు. సుమారు 900 మంది పోలీసులు, 300 మంది ప్రైవేట్ సెక్యూరిటీ వ్యక్తుల మధ్య ఈ ఈవెంట్ జరగటం విశేషం.
ఈ సందర్భంగా ఐకాన్ స్టార్ అల్లు అర్జున్ మాట్లాడుతూ… “బీహార్ అందిస్తున్న ప్రేమను నేను తట్టుకోలేకపోతున్నాను. నేను ఇదే తొలిసారిగా బీహార్ రావడం. పుష్ప ఎవరి దగ్గర తగ్గడు, కానీ మొదటిసారి మీ ప్రేమానురాగాలు ముందు తగ్గుతున్నాడు. పుష్పం అంటే ఫ్లవర్ అనుకుంటున్నారా, ఇప్పుడు వైల్డ్ ఫైర్. నా అభిమానులు ఈ ఈవెంట్లో ఏమైనా చిన్నపాటి తప్పులు చేసి ఉంటే దయచేసి క్షమించండి. పుష్ప 1కు మీ ప్రేమను అందించిన ప్రతి ఒక్కరికి నా ధన్యవాదాలు. గత కొద్ది సంవత్సరాలుగా దేశంలోనే ఎంతగా ఎదురు చూస్తున్నా సినిమాగా పుష్ప 2 ఉండటం, ఆ చిత్రంలో నేను ఒక భాగం కావడం నాకు ఎంతో సంతోషంగా అనిపిస్తుంది. దానికి కారణమైన ప్రతి ఒక్కరికి నా ధన్యవాదాలు. ఈ చిత్రం ఇంతటి విజయం కావడానికి ముఖ్య కారణం ప్రేక్షకులే. ప్రేక్షకులు అందరికీ పుష్ప చిత్ర బృందం తరపున ప్రతి ఒక్కరికి ధన్యవాదాలు. ఇక్కడికి ముఖ్య అతిథిగా విచ్చేసిన డిప్యూటీ సీఎం విజయ్ సేన సాహెబ్ కు, బీహార్ పోలీసులకు, అభిమానులకు ప్రత్యేక ధన్యవాదాలు. పుష్ప 2 ట్రైలర్ కార్యక్రమం పాట్నాలో జరగడం నాకు ఎంతో గర్వం గా ఉందన్నారు.
హీరోయిన్ రష్మిక మందన్న మాట్లాడుతూ… ఈ చిత్రం కోసం రెండు సంవత్సరాల మీ ఎదురుచూపులు కచ్చితంగా మీరు ఊహించిన దానికి మించి ఉంటుంది అని నేను చెప్పగలను. ఇంతమంది అభిమానులు పుష్ప ప్రపంచంలోకి రావడం నాకు ఎంతో ఆనందాన్ని ఇస్తుంది. ఈ చిత్రం ట్రైలర్ మీ అందరికీ నచ్చిందని అనుకుంటున్నానన్నారు.
బీహార్ డిప్యూటీ సీఎం విజయ్ సేన సాహెబ్ మాట్లాడుతూ… “పుష్ప 2 ట్రైలర్ లాంచ్ కార్యక్రమాన్ని బీహార్ లోని పాట్నాలో నిర్వహించడం నాకు సంతోషంగా ఉందని బీహార్ ప్రభుత్వం తరఫున అలాగే ముఖ్యమంత్రి గారి తరపున చిత్ర బృందానికి మా కృతజ్ఞతలు అందజేస్తున్నామన్నారు. ఎవరైనా మా రాష్ట్రానికి అతిథిగా వచ్చినప్పుడు వారికి మా ప్రేమానురాగాలు చూపించడంలో ముందుంటామని చెప్పారు.
మైత్రి మూవీ మేకర్స్ సారథులు రవి శంకర్ నవీన్ లు మాట్లాడుతూ…పాట్నాలో ఈ రేంజ్ అభిమానాన్ని అస్సలు ఊహించలేదు. ఎన్నో చిత్రాలను చేశాము. ఎన్నో ఈవెంట్స్ కూడా నిర్వహించాం. కానీ ఒక ట్రైలర్ను ఇలా విడుదల చేయడం అనేది ఇదే మొదటిసారి..గత పది సంవత్సరాల్లో ఇంత పెద్ద ఈవెంట్ చూడటం ఇదే తొలిసారి” ఈ విజయవంతమైన ప్రయాణం కావడానికి ముఖ్య కారణం అయిన స్టార్ అల్లు అర్జున్, డైరెక్టర్ సుకుమార్ లకు కృతజ్ఞతలు.
అల్లు అర్జున్ ఎంతో కష్టపడి పనిచేసే వ్యక్తి. అటువంటి వ్యక్తితో పనిచేయడం మాకు ఇంత సంతోషంగా ఉందన్నారు.