ఎట్టకేలకు నంది అవార్డులు

తెలుగు చలనచిత్ర పరిశ్రమ అత్యంత ప్రతిష్టాత్మకంగా తీసుకునే నంది అవార్డులను ప్రధానం చేసేందుకు ఆంధ్రప్రదేశ్ ప్రభుత్వం ఎట్టకేలకు గ్రీన్ సిగ్నల్ ఇచ్చింది. గతంలో ఉగాది రోజున పురస్కార ప్రదానం జరిగే ఈ అవార్డులు 2012 నుంచి నిలిచిపోయాయి. అయితే 2016 వరకు అవార్డులను ప్రకటించినప్పటికీ ప్రదానోత్సవం జరగలేదు. రాష్ట్రం విడిపోవడం నూతన రాష్ట్రం గా ఆంధ్రప్రదేశ్ పలు ఇబ్బందులు ఎదుర్కోవడం వంటి కారణాలతో ఎన్నో ఏళ్ళు గా వాయిదా పడుతూ వస్తున్న సినిమా పండగకు సంభందించిన కీలక ప్రకటన ను ఆంద్రప్రదేశ్ ప్రభుత్వం ఈరోజు వెలువరించింది. ఆంధ్రప్రదేశ్ ఎఫ్డిసి చైర్మన్ భారత భూషణ్ , ఆంధ్రప్రదేశ్ ఎఫ్డిసి ఎండి విశ్వనాథన్ లు వివరాలను ప్రకటించారు.

కొద్ది సంవత్సరాలుగా ఆంధ్రప్రదేశ్ రాష్ట్రంలో ఆగిపోయిన నంది అవార్డుల కార్యక్రమానికి సంబంధించిన కొన్ని విషయాలను మీడియా వేదికగా ప్రకటించారు. 2012నుంచి 2016 వరకు ప్రకటించిన అవార్డులకు బహుమతి ప్రధానం తో 2017-2024 అవార్డులు ప్రకటించలేదు. కాబట్టి ఒకొక సంవత్సరానికి 4 అవార్డులను ఫస్ట్ బెస్ట్, సెకండ్ బెస్ట్ అలాగే రెండు జ్యూరీ అవార్డులను ఇవ్వనున్నారు. అదేవిధంగా 2025 అవార్డులను మాత్రం అన్ని కేటగిరీలలో ఇవ్వనున్నారు. అలాగే గత కొన్ని సంవత్సరాలుగా పెండింగ్ లో ఉన్న ఎన్టీఆర్ అవార్డులు, డిసెంబర్ 25 నాటికి ఇవ్వనున్నారు. టివి, నాటక రంగానికి కూడా ఇదే తరహాలో ఇవ్వనున్నారు. దీనికి సంబంధించిన నోటిఫికేషన్ అన్ని రంగాలకు విడుదల చేసి అక్టోబర్ 12 నాటికి అన్ని అప్లికేషన్స్ వచ్చాక అక్టోబర్ 2వ వారంలో జ్యూరీ, కమిటీ వెల్లడిస్తామని ప్రకటించారు

ప్రతి అవార్డు సంబంధించిన వివరాలు వివరంగా వెబ్సైట్లో ఉంటాయి. ఫిలింలో సుమారు 288 అవార్డులు, 51 జ్యూరీ అవార్డులు అలాగే టీవీ రంగంలో 330 అవార్డులు, 54 జ్యూరీ అవార్డులు ఉన్నాయి. సినిమా అవార్డు లను అమరావతి ప్రాంతంలో అలాగే టీవీ అవార్డులను తిరుపతిలో చేయనున్నామని ప్రభుత్వం ప్రకటించింది. తెలంగాణ లో పది సంవత్సరాలు ఇవ్వని అవార్డు లను గత రెండు సంవత్సరాలు గా గద్దర్ అవార్డుల పేరుతో అందిస్తున్న విషయం తెలిసిందే.