ఇండియన్ స్క్రీన్ మీద ప్రస్తుతం యాక్షన్ చిత్రాలకు ఉన్న క్రేజ్ గురించి, సాధిస్తున్న విజయాల గురించి ప్రత్యేకంగా చెప్పాల్సిన పని లేదు. అలాంటి యాక్షన్ హీరోలు కన్నడ నుంచి ఎక్కువగా వస్తున్నారు. కన్నడలో అత్యంత ప్రజాదరణ పొందిన యాక్షన్ ప్రిన్స్ ధృవ సర్జా తెలుగు ప్రేక్షకులకు కూడా సుపరిచితులే. ఆయన సమర్పణలో సునామీ కిట్టి, చరిష్మా, పి మూర్తి ప్రధాన పాత్రలతో ‘కోర’ అనే చిత్రాన్ని తెరకెక్కించారు. శ్రీ లక్ష్మీ జ్యోతి క్రియేషన్స్, రత్నమ్మ మూవీస్ పతాకాలపై డాక్టర్ ఎబి నందిని, ఎఎన్ బాలాజీ, పి మూర్తి సంయుక్తంగా నిర్మించిన ఈ చిత్ర ఫస్ట్ లుక్ పోస్టర్‌ను విడుదల చేశారు. హై ఆక్టేన్ యాక్షన్ ఓరియెంటెడ్‌గా ఈ చిత్రం రాబోతోందని ఫస్ట్ లుక్ లో కనిపిస్తోంది. ఎం.కె.మాత, మునిరాజు, నీనాసం అశ్వత్‌లు ఇతర కీలక పాత్రలు పోషిస్తున్న ఈ చిత్రానికి సెల్వం మాతప్పన్ సినిమాటోగ్రఫర్‌గా పని చేస్తుండగా.. బిఆర్ హేమంత్ కుమార్ సంగీతం అందిస్తున్నారు. కె. గిరీష్ కుమార్ ఎడిటర్‌గా పని చేస్తున్నారు. ఈ చిత్రానికి స్టంట్స్ కొరియోగ్రఫీ: కోరా చిన్నయ్య. జినేద్ర ఆర్ట్ డైరెక్టర్.
previous post