డిఫరెంట్ కంటెంట్‌లతో, నిజజీవిత సంఘటనల ఆధారంగా కొత్త వారితో ప్రయోగాలు చేయడంలో ముందుండే రాంగోపాల్ వర్మ లేటెస్ట్ గా’శారీ’ అనే చిత్రంతో మన ముందుకు రాబోతున్నారు.టైటిల్ కి’టూ మచ్ లవ్ కెన్ బి స్కేరీ’ అనే లాగ్ లైన్ తో తెలుగు, హిందీ, తమిళ, మళయాళ భాషల్లో ఈ చిత్రాన్ని నవంబర్ లో విడుదల చేయనున్నారు. గిరి కృష్ణకమల్ దర్శకత్వంలో ‘శారీ’ని ప్రముఖ బిజినెస్ మాన్ రవి వర్మ నిర్మిస్తున్నారు. పలు నిజజీవిత సంఘటనల మేళవింపుతో ఓ సైకలాజికల్ థ్రిల్లర్ గా ‘శారీ’ చిత్రం రూపొందుతోంది. అమ్మాయిలపై ఎన్నో యాసిడ్ దాడులు చూసివున్నాము. అలాగే, ఉత్తర్ ప్రదేశ్ లో’శారీ కిల్లర్’ అమాయకులైన ఎంతో మంది మహిళలను అతి క్రూరంగా మానభంగం చేసి చిత్ర హింసలకు గురిచేసి హత్యలు చేసిన మృగాడి కథ ఆధారంగానే శారీ చిత్రం రూపొందింది.చీరలో ఉన్న అమ్మాయిని చూసి పిచ్చివాడై ఆమెతో ప్రేమలోపడి ఎంతో హానికరంగా, డేంజరస్ గా…;ఓ అబ్బాయి జీవితం ఎలా భయానకంగా మారింది అన్నదే ఇందులోని ప్రధానాంశం. ఇందులో అబ్బాయిగా సత్య యాదు నటిస్తూండగా, అతనిలో సెగలు రేపే చీరలోని అమ్మాయి పాత్రలో ఆరాధ్య దేవి నటిస్తోంది. ఓ ఇన్ స్టా రీల్ లో తొలుత చూసిన ఈ అమ్మాయి అయితే ‘శారీ’లో బాగుంటుందని ఇంతకు ముందు శ్రీలక్ష్మి అనే పేరుతో వుండే ఈ మలయాళీ ని ఆరాధ్య దేవిని ఎంపికచేశారు.