నార్నే నితిన్‌, న‌య‌న్ సారిక హీరో హీరోయిన్లుగా రూపొందిన ‘ఆయ్’. ఆగ‌స్ట్ 15న రిలీజై తొలి ఆట నుంచే పాజిటివ్ బ‌జ్‌తో ఇటు ప్రేక్ష‌కుల‌ను, అటు విమ‌ర్శ‌కుల‌ను మెప్పించి సూప‌ర్ హిట్ టాక్‌తో మంంచి వ‌సూళ్ల‌ను సాధిస్తోంది. ఈ స‌క్సెస్‌ను ఎంజాయ్ చేస్తోన్న ఆయ్ టీమ్‌కు మ‌రో అద్భుత‌మైన ప్ర‌శంస దక్కింది. అదెవ‌రి నుంచో కాదు.. మ్యాన్ ఆఫ్ మాసెస్ ఎన్టీఆర్ నుంచి. ఈ స్టార్ హీరో చిత్ర యూనిట్‌ను ప్ర‌త్యేకంగా క‌లుసుకున్నారు.
బాక్సాఫీస్ ద‌గ్గ‌ర గ‌ట్టి పోటీ ఉన్న‌ప్ప‌టికీ ‘ఆయ్’ చిత్రం బ్లాక్ బ‌స్ట‌ర్ కావ‌టంపై ఎన్టీఆర్ చిత్ర యూనిట్‌ను అభినందించారు.
తార‌క్‌ను చిత్ర నిర్మాత బ‌న్నీ వాస్‌, హీరో నార్నే నితిన్‌, నిర్మాత ఎస్.కె.ఎన్, హీరోయిన్ న‌య‌న్ సారిక, అంకిత్ కొయ్య, రాజ్ కుమార్ క‌సిరెడ్డి క‌లుసుకున్నారు. ఎన్టీఆర్ వంటి స్టార్ హీరో నుంచి ప్ర‌శంస‌లు ద‌క్క‌టం తో ఆయ్ చిత్ర యూనిట్‌లో స‌రికొత్త ఉత్సాహం కనిపిస్తోంది..