కింగ్ నాగార్జున లాంచ్ చేసిన “35-చిన్న కథ కాదు” ట్రైలర్

రానా దగ్గుబాటి సమర్పణలో నివేద థామస్, ప్రియదర్శి, విశ్వదేవ్, గౌతమి, భాగ్యరాజ్ ప్రధాన పాత్రల్లో నంద కిషోర్ ఈమని రచన, దర్శకత్వం లో రూపొందిన సురేష్ ప్రొడక్షన్స్, ఎస్ ఒరిజినల్స్, వాల్టెయిర్ ప్రొడక్షన్స్ బ్యానర్లపై సృజన్ యరబోలు, సిద్ధార్థ్ రాళ్లపల్లి నిర్మిస్తున్న న్యూ ఏజ్ క్లీన్ ఫ్యామిలీ డ్రామా ’35-చిన్న కథ కాదు’ చిత్ర ట్రైలర్ ను కింగ్ నాగార్జున లాంచ్ చేశారు.. మ్యాథ్స్ సబ్జెక్ట్ తో ఇబ్బంది పడుతున్న ఓ స్టూడెంట్ ని పరిచయం చేస్తూ ట్రైలర్ ఓపెన్ అయ్యింది. తల్లిదండ్రుల పాత్రలు పోషించిన నివేద థామస్, విశ్వదేవ్ ఆ చిన్న పిల్లాడి భవిష్యత్ విషయంలో ఆందోళన చెందుతుంటారు. ఆ పిల్లాడిని ఫ్రెండ్స్, టీచర్స్’ సున్నా’ అని పిలుస్తుంటారు. చిన్న పిల్లవాడు సవాళ్లను అధిగమించి, 35 మార్కులతో ఉత్తీర్ణత సాధించగలిగాడా అనేది కథలో ప్రధానాంశం.
అందరికీ కనెక్ట్ అయ్యే కథని అద్భుతంగా ప్రజెంట్ చేశ్రని టీజర్ చూస్తే అర్ధమౌతోంది. విశ్వదేవ్, నివేదా థామస్ మధ్యతరగతి తల్లిదండ్రులుగా తమ నేచురల్ పెర్ఫార్మెన్స్ తో కట్టిపడేశారు. ప్రియదర్శి, గౌతమి , భాగ్యరాజ్ తమ పాత్రల ద్వారా కథకు డెప్త్ ని యాడ్ చేశారు. సినిమాటోగ్రాఫర్ నికేత్ బొమ్మి గ్రామీణ నేపథ్యాన్ని ఎఫెక్టివ్‌గా తీశారు. వివేక్ సాగర్ అందించిన బ్యాక్‌గ్రౌండ్ స్కోర్ కథనాన్ని అందంగా తీర్చిదిద్దింది. లతా నాయుడు ప్రొడక్షన్ డిజైన్ టాప్ క్లాస్ లో వుంది. టీసీ ప్రసన్న ఎడిటింగ్ బ్రిలియంట్ గా వుంది. మొత్తానికి ఈ ట్రైలర్ సినిమాపై అంచనాలను పెంచింది.
’35-చిన్న కథ కాదు’ తెలుగు, తమిళం, మలయాళం భాషల్లో సెప్టెంబర్ 6న విడుదల కానుంది.