కిరణ్ అబ్బవరం కొత్త చిత్రానికి “దిల్ రూబా” అనే టైటిల్ ఖరారు చేశారు. రుక్సర్ థిల్లాన్ హీరోయిన్ గా నటిస్తున్న ఈ చిత్రాన్ని శివమ్ సెల్యులాయిడ్స్ మరియు ప్రముఖ మ్యూజిక్ లేబుల్ సారెగమ నిర్మాణ సంస్థ అయిన ఏ యూడ్లీ ఫిలిం సంయుక్తంగా నిర్మిస్తున్నాయి.రవి, జోజో జోస్, రాకేష్ రెడ్డి,సారెగమ నిర్మాతలుగా వ్యవహరిస్తున్నారు. విశ్వ కరుణ్ దర్శకత్వం వహిస్తున్నారు. “దిల్ రూబా” సినిమా టైటిల్ అనౌన్స్ మెంట్ పోస్టర్ ఇంట్రెస్ట్ క్రియేట్ చేస్తోంది. యూనిక్ స్టైల్, యాటిట్యూడ్ తో ‘హిస్ లవ్, హిస్ యాంగర్..’ అనే కొటేషన్ కిరణ్ అబ్బవరం క్యారెక్టర్ ను రిఫ్లెక్ట్ చేసే విధంగా పోస్టర్ ను డిజైన్ చేశారు.. లవ్, రొమాంటిక్ యాక్షన్ ఎంటర్ టైనర్ గా సాగే ఈ చిత్రానికి సామ్ సీఎస్ సంగీతాన్ని అందిస్తుండగా, డానియేల్ విశ్వాస్ సినిమాటోగ్రాఫర్ గా వ్యవహరిస్తున్నారు. ప్రవీణ్ కేఎల్ ఎడిటర్ గా పనిచేస్తున్నారు. “క” సూపర్ హిట్ తర్వాత కిరణ్ అబ్బవరం చేస్తున్న చిత్రంగా “దిల్ రూబా”పై హై ఎక్స్ పెక్టేషన్స్ ఉన్నాయి. ఈ సినిమా ను ఫిబ్రవరి లో రిలీజ్ చేయడానికి సన్నాహాలు చేస్తున్నారు.