తెలుగు వారికి మంగ్లీ పేరుకు పెద్దగా పరిచయం అక్కర్లేదు.. సింగర్ గా బాగా పాపులర్ అయ్యింది.. తన ప్రత్యేకమైన గొంతుతో అందరిని ఆకట్టుకుంటుంది. ముందు ప్రైవేట్ సాంగ్స్ తో మొదలుపెట్టి ఫోక్, డివోషనల్, ఐటెం సాంగ్స్ తో ప్రత్యేక గుర్తింపు పొంది క్లాస్, మాస్ అనే తేడా లేకుండా ప్రతి సాంగ్ లో తన మార్క్ చూపిస్తూ సంగీత ప్రపంచంలో ఆమె అందుకున్న విజయాలకు గానూ సంగీత నాటక అకాడమీ నుంచి ‘ఉస్తాద్‌ బిస్మిల్లా ఖాన్’ యువ పురస్కారానికి ఎంపికైన ఆమె న్యూఢిల్లీలో జరిగిన ప్రత్యేక కార్యక్రమంలో అతిరథ మహారధుల సమక్షంలో పురస్కారాన్ని అందుకున్నారు.
సింగర్ అయ్యాక వరుస ఆఫర్స్ తో స్టార్ సింగర్ అయిన మంగ్లీ సొంతంగా ఓ యూట్యూబ్ ఛానల్ని నిర్వహిస్తూ రకరకాల పాటలతో సరికొత్త క్రేజ్ సొంతం చేసుకుంది… జార్జి రెడ్డి మూవీలోని రాయల్ ఎన్ఫీల్డ్ సాంగ్ మంగ్లీకి మంచి పేరు తెచ్చింది. అనంతరం అల వైకుంఠపురంలో రాములో రాములా, లవ్ స్టోరీ చిత్రంలోని సారంగదరియాతో పాటు అనేక సాంగ్స్ కి మంచి రెస్పాన్స్ వచ్చింది. ఆమె తో పాడించిన పాటలు జనాలను తెగ ఆకట్టుకుంటున్నాయి.. దాంతో సినీ దర్శకులు ఆమెతో పాట పాడించాలని ఫిక్స్ అవుతున్నారు. అంచెలంచెలుగా ఎదుగుతున్న సత్యవతీ చౌహాన్‌ అలియాస్‌ మంగ్లీ ఆడబిడ్డలందరికీ ఆదర్శంగా నిలుస్తున్నది అనడంలో ఎలాంటి అతిశయోక్తి లేదు.