ఎన్డీఏ కూటమి అభ్యర్థి గా చంద్రబాబు నాయుడు ప్రమాణ స్వీకారోత్సవానికి ముందే కేంద్ర ప్రభుత్వం ఏపీకి భారీ సాయంతో గుడ్ న్యూస్ చెప్పింది.ముఖ్యమంత్రిగా తెలుగుదేశం పార్టీ అధినేత చంద్రబాబు నాయుడి ప్రమాణ స్వీకార ఏర్పాట్లు.. తుదిదశకు చేరుకున్న తరుణంలో ఈ వార్త ఆ వర్గాల్లో జోష్ నింపింది. జూన్‌ నెలలో ట్యాక్స్ డెవల్యూషన్‌లో భాగంగా విడుదల చేసిన నిధులకు అదనంగా మరో ఇన్‌స్టాల్‌మెంట్‌ను కూడా కేంద్రం ఇందులో జమ చేసింది. రాష్ట్రంలో నిలిచిపోయిన అభివృద్ధి ప్రాజెక్టులను పూర్తి చేయడానికి, మూల ధన వ్యయాల కోసం ఈ మొత్తం ఉప యోగపడుతుందని భావిస్తున్నారు.ఏపీ సహా మిగిలిన రాష్ట్రాలన్నింటికీ కలిపి 1,39,750 కోట్ల రూపాయలను మంజూరు చేసింది. ప్రస్తుత ఆర్థిక సంవత్సరం అంటే 2024-25 మధ్యంతర బడ్జెట్‌లో రాష్ట్రాలకు పన్నుల రూపంలో చెల్లించాల్సిన మొత్తం 12,19,783 కోట్లు. ఇందులో భాగంగా ఈ నిధులు విడుదల అయ్యాయని కేంద్ర ఆర్ధిక శాఖ తెలిపింది.ఏపీ వాటాగా 5,655.72 కోట్ల రూపాయలు మంజూరు కాగా అరుణాచల్ ప్రదేశ్ కి 2,455.44, అస్సాం 4,371.38, బిహార్ 14,056.12, ఛత్తీస్‌గఢ్ 4,761.30, గోవా- 539.42, గుజరాత్- 4,860.56, హర్యానా- 1,527.48, హిమాచల్ ప్రదేశ్- 1,159.92 కోట్లు విడుదల అయ్యాయి.