నకిలీయాప్స్ తో దాడి మొదలుపెట్టిన సైబర్ కేటుగాళ్ళు
ఇన్స్టా, ఫేస్బుక్, ఎక్స్, థ్రెడ్స్ ఇలా అది ఇది కాదు సోషల్ మీడియా అంతా ఒకటే గోల.. ఈ వైరల్ మాములుగా లేదు. ఎవరో ఒకరిద్దరు తప్పా అందరిదీ ఇదే స్టయిల్. 1980ల నాటి ఫ్యాషన్, సంగీతం, పాప్ సంస్కృతి ప్రపంచవ్యాప్తంగా సాధించిన ప్రత్యేకమైన గుర్తింపు ఇప్పుడు మళ్ళీ అందరి వాల్స్ పై సందడి చేస్తున్నాయి. సామాన్యులు, సెలెబ్రెటీలు, అధికారులు, రాజకీయ ప్రముఖులు ఇలా అన్ని వర్గాలకు చెందిన వారు రెట్రో పోస్టర్లతో మెరిసిపోతున్నారు. ఆఖరికి దివంగత ప్రముఖుల చిత్రాలు కూడా ఎయిటీస్ లుక్ లో దర్శనమిస్తున్నాయి.
ఆనాటి ‘రెట్రో’ శైలి సోషల్ మీడియా రీల్స్, ఫ్యాషన్ ప్రపంచంలో మళ్లీ విపరీతంగా ట్రెండ్ అవుతోంది.
లూజ్ ఫిట్టింగ్ షర్టులు, ఓవర్సైజ్డ్ బ్లేజర్లు, ప్యాడెడ్ షోల్డర్ ఆ దుస్తులలో కొందరూ డెనిమ్ ఆన్ డెనిమ్ (డెనిమ్ జాకెట్లు హై-వేస్టెడ్ జీన్స్, బ్రైట్ నియాన్ రంగులు ‘బిగ్ హెయిర్’ శైలి, ఫ్రంట్ బ్యాంగ్స్, స్క్రాంచీలతో (Scrunchies) వేసే పోనీటైల్స్ తో కనువిందు చేస్తుంటే డిస్కో అండ్ సింథ్-పాప్: మైకేల్ జాక్సన్ పాప్ మ్యూజిక్, డిస్కో బీట్స్ సింథసైజర్ల బ్యాక్ డ్రాప్ తో నాటి వాతావరణాన్ని గుర్తుచేస్తున్నారు. తెలుగు, హిందీ చిత్రసీమలో డిస్కో పాటలు, మాస్ డ్యాన్స్ మూవ్స్, రంగురంగుల కాస్ట్యూమ్స్ సెన్సేషన్ ఓ వైపు కనిపిస్తుంటే ఇళయరాజా సంగీత ప్రభంజనం, చిరంజీవి మాస్ డ్యాన్స్ స్టైల్స్ సినిమా పోస్టర్లు పాకెట్లో వాక్మ్యాన్ (Walkman) పెట్టుకుని ఆడియో క్యాసెట్లలో పాటలు వినడం ఇలాంటి లైఫ్ స్టైల్స్ అన్ని అమాంతం గా ఆ లోకానికి ఎత్తుకెళ్లిపోతున్నాయి.
ఆర్టిఫిషియల్ ఇంటెలిజెన్స్ AI పుణ్యామాని గొప్ప అనుభూతి ని పంచుతున్నాయి. నాటి తరానికి ఒక అనుభూతి అయితే నేటి తరానికి ఇదో వేడుక.. దీనికి సంబంధించి ప్రోమ్ట్ లు అన్ని మాధ్యమాలలో చాలా మంది షేర్ చెయ్యడం తో ప్రతి ఒక్కరు 80s ట్రెండ్ లో తలమునకలై వున్నారు. ఇదిలా ఉండగా ట్రెండ్ ని నెటిజన్లు ఓ వైపు అందిపుచ్చుకుంటుంటే స్కామర్లు దాన్ని మోసానికి వాడుకుంటున్నారు. చాట్ జీపీటీ లిమిట్ పేరు తో ఆంక్షలు పెడుతున్న నేపథ్యంలో ఈ 80s ట్రెండ్ పై నకిలీ యాప్స్ ను సృష్టించి జనాలపై వదులుతూ కొత్త మోసాలకు తెర తీశారు. Apk ఫైల్స్ పంపుతూ ఎకౌంటు లను లూటీ చేసే ఎత్తుగడ వేస్తున్నారు. ఇలాంటి ఫైల్స్ పట్ల నకిలీ యాప్స్ పట్ల అప్రమత్తంగా ఉండాలని పోలీసులు సూచిస్తున్నారు.