మైత్రీ మూవీ మేకర్స్ బ్యానర్ పై రాజేంద్రరెడ్డి దర్శకత్వంలో నందమూరి కళ్యాణ్ రామ్ నటిస్తున్న నూతన చిత్రానికి సంబంధించి టైటిల్ ను, ఫస్ట్ లుక్ పోస్టర్ ను విడుదల చేశారు. ఈ చిత్రానికి “అమిగోస్” టైటిల్ ను ఖరారు చేశారు. ఈ చిత్రంలో ఏకంగా కళ్యాణ్ రామ్ మూడు పాత్రల్లో నటించనున్నారు. చిత్రం ఫస్ట్ లుక్ పోస్టర్ ఇంట్రెస్ట్ ను క్రియేట్ చేస్తోంది. అలాగే కళ్యాణ్ రామ్ మూడు పాత్రలూ ఆసక్తికరంగానే ఉన్నాయి. ఈ చిత్రంలో కళ్యాణ్ రామ్ సరసన కన్నడ బ్యూటీ ఆషికా రంగనాథ్ హీరోయిన్ గా నటిస్తోంది. ఫిబ్రవరి 10, 2023లో ఈ చిత్రం ప్రేక్షకుల ముందుకు రానుంది. ఎన్నో ఏళ్లుగా మంచి హిట్ కోసం ఎదురుచూస్తున్న కళ్యాణ్ రామ్ కు ‘బింబిసార’తో ఆ కల నెరవేరింది. ఈ ఒక్కచిత్రంతో కళ్యాణ్ రామ్ క్రేజ్ అమాంతం పెరిగింది. దీంతో ఆయన తదుపరి చిత్రాలపై అభిమానులు, ఆడియెన్స్ ఎదురుచూస్తున్నారు. ఈ క్రమంలో కళ్యాణ్ రామ్ కూడా బ్యాక్ టు బ్యాక్ చిత్రాలతో అలరించేందుకు ఏకంగా మూడు చిత్రాల్లో నటిస్తున్నట్టు తెలుస్తోంది. ఇందులో మైత్రీ మూవీ మేకర్స్ బ్యానర్ పై రాజేంద్రరెడ్డి దర్శకత్వంలో రూపొందుతున్న “అమిగోస్” చిత్రం ఉంది. ఆ తర్వాత సినిమాను శ్రీవెంకటేశ్వర క్రియేషన్స్ పతాకంపై దిల్‌రాజు నిర్మాణంలో చేస్తున్నారు. దీనికి `118` హిట్ చిత్రాన్ని అందించిన కేవి గుహన్‌ దర్శకత్వం వహిస్తున్నారు. అలాగే నవీన్‌ మేడారం దర్శకత్వంలో పీరియాడికల్‌ స్టోరీతో `డెవిల్‌` అనే చిత్రంలో నటిస్తున్నారు. దీన్ని అభిషేక్‌ పిక్చర్స్ నిర్మిస్తుంది. బ్రిటీష్‌ సీక్రెట్‌ ఏజెంట్‌ నేపథ్యంలో `డెవిల్‌`చిత్రం రూపొందుతుంది. అలాగూ ఈస్‌కోస్ట్ ప్రొడక్షన్స్ పతాకంపై మహేష్ కోనేరు నిర్మాణంలో మరో చిత్రం కూడా రానున్నట్లు తెలుస్తుంది. ఇది వచ్చే ఏడాదిసెట్స్ పైకి వెళ్లనుంది. బింబిసారా హిట్ తో కళ్యాణ్ రామ్ వరుస ప్రాజెక్టులు చేస్తూ బిజీగా ఉన్నారు.