భలే భలే మగాడివోయ్, గీతా గోవిందం, టాక్సీవాలా, ప్రతిరోజూ పండగే, మోస్ట్ ఎలిజిబుల్ బ్యాచిలర్ వంటి హిట్ చిత్రాలు నిర్మించిన
GA2 పిక్చర్స్ బ్యానర్‌పై నార్నే నితిన్, నయన్ సారిక జంటగా అంజి కె.మ‌ణిపుత్ర దర్శకత్వంలో బన్నీ, విద్యా కొప్పినీడి నిర్మిస్తున్న ఆయ్ డిఫ‌రెంట్ ప్ర‌మోష‌న‌ల్ కంటెంట్‌తో అందరి దృష్టిని ఆక‌ర్షిస్తోంది.
‘ఆయ్’ సినిమా నుంచి ఇప్ప‌టికే విడుద‌లైన పాట‌లు సూప‌ర్బ్ రెస్పాన్స్‌ను రాబ‌ట్టుకున్నాయి. సోష‌ల్ మీడియాలో రీల్స్‌, షార్ట్స్ రూపంలో తెగ వైర‌ల్ అయ్యాయి. దీంతో సినిమాపై మంచి అంచ‌నాలు ఏర్ప‌డ్డాయి. ఈ నేప‌థ్యంలో మేకర్స్ ఫ‌న్ ఎంట‌ర్‌టైన‌ర్ ఆయ్ సినిమాను స్వాతంత్య్ర దినోత్స‌వం సంద‌ర్భంగా ఆగస్ట్ 15న విడుదల చేస్తున్నారు. ప్ర‌పంచ వ్యాప్తంగా ఈ మూవీ గ్రాండ్ రిలీజ్ కానుంది. మంచి కంటెంట్ ఉన్న సినిమాను ప్రేక్ష‌కుల‌కు అందించటానికి మంచి టీమ్ కూడా చేతులు క‌లిపింది. ఏస్ ప్రొడ్యూసర్ అల్లు అరవింద్ సమర్పణలో రూపొందుతోన్న ఈ సినిమాకు కిరణ్ కుమార్ మన్నె ఆర్ట్ డైరెక్టర్‌గా, సమీర్ కళ్యాణి సినిమాటోగ్రాఫర్‌గా, రామ్ మిర్యాల సంగీత దర్శకుడిగా వర్క్ చేశారు.
