నటుడు గా ధనుష్ తన 50 మైల్ స్టోన్ మూవీ ‘రాయన్’కి దర్శకత్వం వహిస్తున్నారు. సన్ పిక్చర్స్ నిర్మిస్తున్న ఈ చిత్రంలో సందీప్ కిషన్, కాళిదాస్ జయరామ్ ఇతర లీడ్ రోల్స్ లో నటిస్తున్నారు. ఇప్పటికే ఈ సినిమా ప్రమోషనల్ కంటెంట్ హ్యూజ్ బజ్ క్రియేట్ చేశాయి. జూలై 26న రాయన్ ప్రపంచవ్యాప్తంగా విడుదల కానుంది. ఏషియన్ సురేష్ ఎంటర్‌టైన్‌మెంట్ ఎల్‌ఎల్‌పి తెలుగు వెర్షన్‌ను గ్రాండ్ గా విడుదల చేయనుంది. ఈ నేపధ్యంలో మేకర్స్ ప్రీరిలీజ్ ఈవెంట్ నిర్వహించారు.
హీరో ధనుష్ మాట్లాడుతూ.. కెరీర్ లో చాలా మంచి ఫిలిం మేకర్స్ తో కలసి పని చేసే అవకాశం దొరికింది. సెల్వ రాఘవన్, సుబ్రహ్మణ్యం శివ, భూపతి పాండియన్, వెట్రిమారన్.. ఇలా నాతో సినిమాలు చేసిన దర్శకులందరికీ ధన్యవాదాలు. వాళ్ళందరి దగ్గర నుంచి ఎన్నో విషయాలు నేర్చుకున్నాను. నా కెరీర్‌లో నేను నా తప్పుల నుంచే ఎక్కువ నేర్చుకున్నా. అందుకే మనం చేసే మిస్టేక్స్ కి థాంక్ ఫుల్ గా వుండాలి. డైరెక్షన్ చాలా భాద్యతతో కూడుకున్నది. నాకు నటనపైన ఎంత ఇష్టం ఉందో దర్శకత్వంపైనా అంతే ఇష్టముంది. నేను డైరెక్టర్ చేసిన రాయన్ 26న వస్తోంది. ఇదొక బ్లెసింగ్ గా భావిస్తున్నాను. నా నుంచి కోరుకునే మంచి డైలాగ్స్, యాక్షన్, సాంగ్స్ అన్నీ రాయన్ లో ఉన్నాయి. ఈ సినిమా తెలుగు ఆడియన్స్ ఖచ్చితంగా నచ్చుతుందని నమ్ముతున్నాను. రాయన్ నా యాభైవ సినిమా. చాలా మంచి సినిమా. జూలై 26న థియేటర్స్ లో చూసి ఎంజాయ్ చేయండి’ అన్నారు.
హీరో సందీప్ కిషన్ మాట్లాడుతూ… ధనుష్ అన్న రాయన్ సినిమాలో నన్ను యాక్ట్ చేయమని అడిగినప్పుడే అదొక అవార్డ్ లానే ఫీల్ అయ్యా. ధనుష్ అన్న నాకు ఒక బ్రదర్ అండ్ గురువు లాంటి వారు. ధనుష్ అన్న తన యాభైవ సినిమాలో తనకోసం రాసుకున్న క్యారెక్టర్ లో నన్ను యాక్ట్ చేయమని ఆయన డైరెక్ట్ చేశారు. ఇంతకంటే నాకు గొప్ప అవార్డ్ వుండదు. ఈ సినిమా చూసి ఒక తెలుగు హీరో తమిళ్ లో ఇంత మంచి క్యారెక్టర్ చేయగలిగాడని ఆడియన్స్ అంతా చాలా గర్వంగా ఫీలౌతారు. కెప్టన్ మిల్లర్ ఫినిష్ అయ్యాక రాయన్ షూట్ కి వెళ్లాం. ఈ షూటింగ్ మరచిపోని అనుభూతిని ఇచ్చింది. చాలా కష్టమైన క్యారెక్టర్ అని ధనుష్ ముందే చెప్పారు. నా హెయిర్‌ స్టైల్‌ కూడా ఆయనే సెట్‌ చేశారు. ఆయన ఓ సీన్‌ను సింగిల్‌ టేక్‌లో పూర్తి చేశారు. కానీ నేను 11 సెకన్ల లెంత్ వున్న సీన్ కి 16 టేక్స్‌ తీసుకున్నా. తర్వాత, మిగిలిన వారంతా రీ టేక్స్‌ తీసుకోవడంతో నా భయం పోయింది. నన్ను తన పక్కన కూర్చుని ధనుష్ అన్న కొత్త విషయాలు నేర్పించారు. జీవితంలో ఇలాంటి అవకాశం మరోసారి రాదేమో. న్యూయార్క్‌ ఫిల్మ్‌ అకాడమీకి వెళ్లినా ఇలాంటి యాక్టింగ్‌ కోర్స్‌ నేర్చుకోలేం. ఒక నటుడికి ఇది చాలా గొప్ప అవకాశమన్నారు.
విలక్షణ నటుడు ప్రకాష్ రాజ్ మాట్లాడుతూ.. సందీప్ కిషన్, కాళిదాస్, అపర్ణ, తుషారా..ఈ యంగ్ స్టార్స్ కళ్ళలో ఆకలి చూస్తున్నాను. ధనుష్ ఒక నటుడిగా వాళ్ళ ఆకలిని తీర్చడానికి ఏం కావాలో తెలిసిన వ్యక్తి. ముఫ్ఫై 30 ఏళ్ల నుంచి ఇండస్ట్రీలో వున్నా. 30 ఏళ్ళు వుండటం పెద్ద విషయం కాదు. కళాకారుడు తన ప్రతిభ వల్లే పెద్దవాడు కాలేడు, ప్రేక్షకులు ప్రేమ, నమ్మకం వలన అవుతాడు. ఆ నమ్మకాన్ని నిలబెట్టుకోవాలి. అన్నయ్య చిరంజీవి గారు, రజనీకాంత్, కమల్ హాసన్, అమితాబ్ వచ్చన్, మణిరత్నం గారు ఇలా నమ్మకాన్ని నిలబెట్టుకున్నవారే. ధనుష్ తన ప్రస్థానంలో ఎన్నో పాత్రలు చేస్తూ తన పని వల్ల తను అందమవ్వడం, గొప్ప వ్యతిత్వాన్ని చూపడం చూస్తున్నాం. ధనుష్ కి దర్శకుడిగా చాలా స్పష్టత వుంది. ఈ సినిమాని డైరెక్టర్ చేస్తూ, ఇళయరాజా గారి బయోపిక్ కి రెడీ అవుతూ, శేఖర్ కమ్ముల గారితో సినిమా చేస్తూ.. నన్ను నిత్యామీనన్ ని పెట్టి తన దర్శకత్వంలో ఓ కథ చెప్పాడు. ఇలాంటి కృషిని చూస్తున్నపుడు ఇది కదా సినిమాకి కావాల్సిందనిపిస్తుంది. తను జనరేషన్స్ కి స్ఫూర్తి. మరో కొత్త అనుభవం. ధనుష్ ఇంకో విశ్వరూపం. ఆల్ ది బెస్ట్’ తెలిపారు.
ప్రొడ్యూసర్ దిల్ రాజు మాట్లాడుతూ.. రైటర్స్ డైరెక్టర్ యాక్టర్ గా వస్తున్న రాయన్ లుక్స్ చూస్తుంటే అద్భుతంగా అనిపిస్తోంది. ఆల్ ది బెస్ట్ ధనుష్ అండ్ టీం. బిగ్ స్టార్ కాస్ట్ తో వస్తున్న ఈ సినిమా బిగ్ సక్సెస్ సాధించి తెలుగు తమిళ ఇండస్ట్రీలో ఎక్స్ ట్రార్డినరీ రెవెన్యు రావాలని కోరుకుంటున్నానన్నారు..
ప్రొడ్యూసర్ సురేష్ బాబు మాట్లాడుతూ.. నేషనల్ అవార్డ్ విన్నర్స్ ట్యాలెంట్ ని ఒక్క చోట చూడటం చాలా ఆనందంగా వుంది. ధనుష్ బ్రదర్ నేను మంచి ఫ్రెండ్స్. తనని యంగ్ ఏజ్ నుంచి చూస్తున్నాను. ఈ సినిమా డిస్ట్రిబ్యుషన్ చూస్తున్నామని ఓ పాట విన్నాను. అక్కడ లిరిక్స్ ధనుష్ అని రాసుంది. తనది అవుట్ స్టాండింగ్ టాలెంట్. తను బౌండరీలని పుష్ చేస్తూ సినిమాని నెక్స్ట్ లెవల్ కి తీసుకులుతున్నాడు. రాయన్ పెద్ద విజయం సాధించాలని టీం అందరికీ ఆల్ ది బెస్ట్’ చెప్పారు,
డైరెక్టర్ గోపీచంద్ మలినేని మాట్లాడుతూ..ధనుష్ గారి ప్రతి సినిమా రిలీజ్ రోజే చూస్తాను. ఆయన ఏ క్యారెక్టర్ లోనైనా ఒదిగిపోతారు. రాయన్ లుక్ చూసి స్టన్ అయ్యాను. ఇది ధనుష్ గారికి మరో నేషనల్ అవార్డ్ తీసుకొచ్చే సినిమా అవ్వాలని మనస్పూర్తిగా కోరుకుంటున్నాను. ఆ దమ్ము ఈ సినిమాలో వుంది. ఈ సినిమాలో నటించిన అందరికీ ఆల్ ది బెస్ట్. రెహ్మాన్ గారి మ్యూజిక్ ఎక్స్ ట్రార్డినరీ గా వుంది. ధనుష్ గారి డైరెక్షన్ లో వస్తున్న ఈ సినిమాని చూడటానికి ఈగర్ గా వెయిట్ చేస్తున్నా’ అన్నారు.
హీరోయిన్స్ అపర్ణ బాలమురళి ,
తుషారా విజయన్ చిత్ర యూనిట్ అంతా పాల్గొన్న ఈ ఈవెంట్ చాలా గ్రాండ్ గా జరిగింది.