మ్యాన్ ఆఫ్ మాసెస్ ఎన్టీఆర్ టైటిల్ పాత్ర‌లో కొరటాలా శివ దర్శకత్వంలో తెరకెక్కుతోన్న భారీ బడ్జెట్ పాన్ ఇండియా చిత్రం ‘దేవర’ రెండో పాటను విడుదల చేశారు. ‘చుట్టమల్లె..’ అంటూ సాగే ఈ రొమాంటిక్ సాంగ్, అందులోని విజువ‌ల్స్‌ ఫ్యాన్స్‌కి, ప్రేక్ష‌కుల‌కు పెద్ద ట్రీట్‌లా ఉంది. ఎన్టీఆర్ స్టైలిష్ లుక్‌లో క‌నిపిస్తున్నారు. జాన్వీ క‌పూర్ అందం వావ్ అనిపిస్తోంది. ఇద్ద‌రి జోడీ, మ్యూజిక్‌కి త‌గిన‌ట్లు వారు వేసిన డాన్స్ మూమెంట్స్‌తో ఇంట‌ర్నెట్‌లో పాట వైర‌ల్ అవుతోంది.
నంద‌మూరి క‌ళ్యాణ్ రామ్ సమర్పణలో ఎన్టీఆర్ ఆర్ట్స్, యువ‌సుధ ఆర్ట్స్ ప‌తాకాల‌పై మిక్కిలినేని సుధాక‌ర్‌, హ‌రికృష్ణ.కె సినిమాను నిర్మిస్తున్నారు.
హీరోపై త‌న‌కున్న ప్రేమ‌ను హీరోయిన్ చెప్తూ సాగే ఈ పాటను రామ‌జోగ‌య్య శాస్త్రి రాయగా ఎన్టీఆర్, జాన్వీ జంట పాట‌లో రొమాంటిక్‌గా క‌నిపించ‌టం అభిమానుల‌కు క‌నువిందుగా ఉంది. ఇద్ద‌రి మ‌ధ్య కెమిస్ట్రీ అద్భుతంగా ఉంది. బీచ్ తీరంలో ఎన్టీఆర్ డాన్స్, జాన్వీ క‌పూర్ గ్లామ‌ర్ అవ‌తార్‌లో క‌నిపిస్తూ, వినసొంపుగా ఉన్న పాట మ‌న‌సును హ‌త్తుకుంటోంది. బాస్కో మార్టిస్ కొరియోగ్ర‌ఫీ చూడ‌టానికి సింపుల్‌గా క‌నిపిస్తూనే క‌ళ్లు తిప్పుకోనీయ‌ట్లేదు. అనిరుద్ ర‌విచందర్ సంగీత సార‌థ్యంలో ‘చుట్టమల్లె..’ పాట ఈ ఏడాది బెస్ట్ మెలోడీ సాంగ్‌గా ప్రేక్ష‌కుల‌ను మెప్పించ‌నుంది. శిల్పా రావ్ పాటను ఎంతో శ్రావ్యంగా పాడారు. ఈ కాంబోతో పాట నెక్ట్స్ లెవ‌ల్‌కు చేరింది. హై యాక్ష‌న్ ఎంట‌ర్‌టైన‌ర్‌గా ‘దేవర’ను రెండు భాగాలుగా రూపొందిస్తున్నారు ‘దేవర: పార్ట్ 1’ను తెలుగు, త‌మిళ, హిందీ, క‌న్న‌డ, మ‌లయాళ భాష‌ల్లో సెప్టెంబర్ 27న వ‌ర‌ల్డ్ వైడ్ రిలీజ్ కానున్న ఈ చిత్రానికి శ్రీకర్ ప్ర‌సాద్ ఎడిట‌ర్‌ కాగా ఆర్‌.ర‌త్న‌వేలు సినిమాటోగ్రాఫ‌ర్‌, సాబు సిరిల్ ప్రొడ‌క్ష‌న్ డిజైన‌ర్‌గా వ‌ర్క్ చేస్తున్నారు.