అరకు కాఫీ కి అంతర్జాతీయ ఆదరణ
పొద్దు పొద్దున్నే ఓ కాఫీ పడితే గానీ మన బండి నడవదు. అది ఇంస్టెంట్ అయినా ఫిల్టర్ కాఫీ అయినా కడుపు లోకి వెళ్లాల్సిందే.. అయితే ఎన్నిరకాల కాఫీ రుచులున్నా అరకు కాఫీ మాత్రం వెరీ వెరీ స్పెషల్. ప్రధాని నరేంద్రమోదీ దీని రుచి కి ఫిదా అయి ప్రసంశలు అందించారు.
ఈ కాఫీకి మన దేశంలోనే కాకుండా విదేశాల్లోనూ విపరీతమైన క్రేజ్ ఉంది. విదేశీ ప్రతినిధులు, అధికారులు లొట్టలేసుకుని మరి అరకు కాఫీ రుచిని ఆస్వాదించారు. ఫ్రాన్స్ రాజధాని పారిస్లో అరకు కాఫీకి ప్రత్యేకమైన అవుట్లెట్ ఉందంటే దీని పాపులారిటీ ఏంటో అర్థం చేసుకోవచ్చు. 2018 పారిస్లో జరిగిన ‘ప్రిక్స్ ఎపిక్యూర్’ (Prix Epicures) పోటీల్లో అరకు కాఫీ ఉత్తమ కాఫీగా గోల్డ్ మెడల్ దక్కించుకుంది. దీని విశిష్టతను గుర్తిస్తూ భారత ప్రభుత్వం దీనికి భౌగోళిక గుర్తింపు (Geographical Indication Tag) కూడా ఇచ్చింది
అరకు కాఫీ ఎందుకు అంత ప్రత్యేకం.
ఆంధ్రప్రదేశ్లోని అల్లూరి సీతారామరాజు జిల్లాలో పండే అరకు కాఫీ (Araku Coffee) ఇది కేవలం డికాషన్ కాఫీ మాత్రమే కాదు, మన తెలుగు ప్రజల బ్రాండ్. ఇక్కడ పండేది నాణ్యమైన ‘అరేబికా’ (Arabica) రకం కాఫీ. ఇది మంచి సువాసన, తక్కువ చేదుతో ఉండటం.. దానికి తోడు గిరిజన రైతులు ఎటువంటి రసాయన ఎరువులు వాడకుండా, ప్రకృతి సిద్ధమైన పద్ధతుల్లో ఈ కాఫీని పండిస్తారు సిల్వర్ వృక్షాల నీడలో మిరియాల పంట తోడుగా కాఫీ మొక్కల నుండి రాలిన ఆకులనే తిరిగి ఎరువుగా కాఫీ పంటలు పండుతాయి సూర్య రశ్మి నేరుగా పడకపోవడం వలన అరకు కాఫీ రుచి మరింత మెరుగు పడుతుంది గింజలు చెర్రీ ఫ్రూట్స్ రంగులోకి వచ్చిన తరువాత వాటిని వేరు చేసి ప్రాసెసింగ్కు పంపించి సొంత యూనిట్ ద్వారా కాఫీ పొడిని తయారు చేసి ఈ పొడిని అరకు లోనే స్టాల్స్ ను ఏర్పాటు చేసి పర్యాటకులకు విక్రయిస్తారు. సముద్ర మట్టానికి సుమారు 900 నుండి 1100 మీటర్ల ఎత్తులో, సహజమైన నీడలో పెరగడం వల్ల ఇక్కడ ఉన్న నేలలో క్షార గుణం తక్కువగా ఉండటం వల్ల కూడా దీనికి ఒక ప్రత్యేకమైన రుచి తోడవుతుంది.
1920 నుంచి మన్యం లో కాఫీ పంట వేస్తున్నప్పటికి 1960 నుంచి అటవీ ప్రాంతంలో ఈ పంటను అభివృద్ధి చేయడం ప్రారంభించి 1975 సంవత్సరం తరువాత కాఫీ తోటల అభివృద్ధి విభాగం ఏర్పాటై ఈ అరకు కాఫీని అరుకు కాఫీ అని పేరుతో అభివృద్ధి చేస్తున్నారు. అంతర్జాతీయంగా గుర్తింపు పొందిన అరకు కాఫీ చరిత్రను సంబంధించిన మ్యూజియం ను అరకులో ఏర్పాటు చేశారు. కాఫీ ఎంత సక్సెసో మ్యూజియము కూడా పర్యాటకులను అంతే ఆకట్టుకుంటుంది
దాదాపు లక్ష మందికి పైగా గిరిజన రైతులు ఈ కాఫీ సాగుపై ఆధారపడి జీవిస్తున్నారు. ‘గిరిజన్ కోఆపరేటివ్ కార్పొరేషన్’ (GCC) తో పాటు మరికొన్ని ప్రైవేట్ సంస్థలు వీరికి అండగా ఉంటూ మార్కెటింగ్లో సహాయపడుతున్నాయి.