ఈ వార్ ఇప్పట్లో చల్లారేటట్టు లేదు.

అసలు విషయం ఏంటంటే గతంలో రజనీకాంత్ రాజకీయాల్లోకి వస్తారనే ప్రచారం జోరందుకుంది.
సొంతంగా రాజకీయ పార్టీ పెడతారనే ఊహాగానాలు కూడా వచ్చాయి. అలాగే మరోవైపు బిజెపిలో చేరి ఆ పార్టీ తమిళనాడు సీఎం అభ్యర్థిగా బరిలో ఉంటారనే ప్రచారం కూడా సాగింది. తన రాజకీయ అరంగేట్రం పై చాలాసార్లు అభిమానులతో సమావేశాలు నిర్వహించి వారి అభిప్రాయాన్ని తెలుసుకునే ప్రయత్నం చేశారు. ఒకానో దశలో తన రాజకీయ అరంగేట్రానికి సంబంధించి ప్రకటన చేసే సమయంలో తీవ్ర అస్వస్థకు లోనై ఆసుపత్రి పాలయ్యారు. తన ఆరోగ్య పరిస్థితుల దృష్ట్యా రాజకీయాలకు దూరంగా ఉండటమే మంచిదని తన కుటుంబ సభ్యులు, శ్రేయోభిలాషులు నచ్చ చెప్పడంతో ఆయన రాజకీయాలకు దూరంగా ఉండాల్సి వచ్చింది. తన నిర్ణయాన్ని మార్చుకోవాల్సి వచ్చింది. అయినప్పటికీ బీజేపీ మాత్రం రజనీకాంత్ కోసం ఎదురుచూస్తూనే ఉంది. బిజెపిలోకి చేరాలని ఆ పార్టీ కేంద్ర నాయకత్వం నుంచి కూడా ప్రతిపాదనలు వచ్చాయి. అయితే ఇదిలా ఉండగా తమిళనాడు బీజేపీ నేతలు – హీరో విజయ్ ల మధ్య ఎప్పటినుంచో గొడవలు జరుగుతూనే ఉన్నాయి. చాలాసార్లు బిజెపి నేతలు విజయ్ ను టార్గెట్ చేసి తీవ్ర వ్యాఖ్యలు చేశారు. విజయ్ కూడా కొన్ని సందర్భాలలో తనదైన శైలిలో ఆ పార్టీ నేతలకు కౌంటర్ ఇస్తూనే ఉన్నారు. ఈ క్రమంలోనే త్వరలో విజయ్ ఒక రాజకీయ పార్టీ పెట్టి ఎన్నికలకు వెళ్తాడనే ప్రచారం సాగుతుంది. అతని తండ్రి ఈ విషయమే ముందుగా మీడియాకు లీక్ చేయడంతో ప్రత్యర్ధులు విజయ్ ను టార్గెట్ చేయడం మొదలెట్టారు. ఇక విజయ్ తన రాజకీయ అరంగేట్రానికి సంబంధించి తన నిర్ణయం మార్చుకున్నాడు. అయితే సమయం వచ్చినప్పుడు తాను తప్పనిసరిగా ప్రజల కోసం ముందుకు వస్తానని చాలా సందర్భాలలో చెప్పాడు. ఇక రజనీకాంత్ – విజయ్ ల మధ్య నటులుగా కాకుండా పార్టీల పరంగానే గ్యాప్ వచ్చిందనేది వాస్తవం. తనను శత్రువుగా భావిస్తున్న బిజెపి తో రజనీకాంత్ కలిసి ఉండటం విజయ్ అభిమానులకు నచ్చలేదు. ఇటీవల జైలర్ మూవీ ఈవెంట్ లో కూడా రజనీకాంత్ చేసిన వ్యాఖ్యలు విజయ్ ను ఉద్దేశించినవే అంటూ ప్రచారం కూడా సాగింది. దీంతో తప్పనిసరి ఇద్దరు అభిమానుల మధ్య వార్ మొదలైంది. కోలీవుడ్లో అసలు సిసలైన సూపర్ స్టార్ విజయ్ మాత్రమేనని అతని అభిమానులు ఘంటా పధంగా చెబుతుంటే రజిని ఉన్నన్నాళ్లు అతని స్థాయిని ఎవరు దాటి వెళ్లలేరని, ఎప్పటికి ఆయనే సూపర్ స్టార్ అని,
ఆయన తర్వాతే ఎవరైనా అంటూ సోషల్ మీడియాలో రజిని ఫ్యాన్స్ రచ్చ చేస్తున్నారు.